10/27 2016
Reganosa realizou esta mañá na súa regasificadora do porto de Ferrol un exercicio de seguridade no que, ademais do persoal e dispositivos propios, interviñeron dous remolcadores, que actuaron nas proximidades da terminal.
O exercicio desenvolveuse entre as 11 e as 13 horas, sen alterar as actividades ordinarias que se levan a cabo habitualmente no porto e na ría de Ferrol.
Reganosa ten un programa intensivo de formación tanto do persoal propio da súa planta como do pertencente a entidades vinculadas coa súa operación habitual, co fin de resolver coa maior eficiencia calquera incidencia de seguridade.