A aplicación Oiio, que xa está dispoñible tanto en Android como en iOS, ocúpase de buscar para o usuario a tarifa da luz que máis lle conveña en cada momento e xestiona coas comercializadoras todos os trámites da maneira máis sinxela para o cliente
Reganosa Servizos acaba de lanzar ao mercado Oiio (“Positivo”, pero sen as consoantes). Trátase dunha aplicación para reducir o gasto enerxético ao redor dun 20 %. Nesta primeira fase, o software está dispoñible para os 3,2 millóns de autónomos e pequenas e medianas empresas que hai en España.
Oiio busca para o cliente, con sistemas intelixentes, a mellor tarifa en cada momento, en función do seu consumo horario, do seu histórico de facturación e das súas necesidades de potencia. Ademais, xestiona de maneira independente e sinxela a contratación coas comercializadoras. Periodicamente, así mesmo, continúa estudando a situación e emitindo consellos personalizados a través dun chat cuxo asistente virtual foi chamado Max Aforro.
Todo o que necesita o usuario unicamente é descargar a ferramenta, encher uns datos básicos e achegar unha factura recente; Oiio encárgase do resto. A app xa foi testada en fase beta entre un grupo de compañías e o aforro medio certificado situouse no 23 % da factura eléctrica.
Oiio xa pode obterse e usarse libremente tanto en Android como en iOS. A ferramenta calcula gratis para o usuario o aforro potencial na súa factura. Se este quere que, ademais, a app peche as contratacións e emita consellos periódicos, ha de concertar un plan mensual de 4,99 euros (IVE incluído), sen permanencias nin comisións. Para máis información pode visitarse a web www.oiioenergia.com.
“Oiio é o mellor socio enerxético dos seus clientes, ese amigo que entende de enerxía e chega a facer sinxelas todas as xestións dun sector que pode resultar complexo. Con este avance estamos a favorecer de novo a competitividade das pemes e promovendo a sustentabilidade dunha maneira fácil e accesible, para que os usuarios poidan dedicar o seu tiempo e enerxía ao que de verdade impórtalles”, explica a responsable do departamento de Dixitalización e Eficiencia Enerxética de Reganosa, Rocío Vega. “Con esta app -resume- poñemos ao alcance do cliente dúas vantaxes de alto valor: aforrar diñeiro no pago da factura enerxética e aforrar tempo no proceso de contratación de operador e elección de tarifa. Ademais, estamos a dar atención personalizada, con plans a medida de cada cliente”.
Vega inscribe Oiio na traxectoria de Reganosa dentro do ámbito do I+D+i: “Xa levamos uns anos innovando no campo da xestión dixital da enerxía. En 2016 deseñamos Ganeso, unha ferramenta para planificar e operar de maneira eficiente redes enerxéticas, e recibimos o premio ao mellor caso de transferencia tecnolóxica de Galicia. Agora avanzamos un paso máis nese camiño. Dalgunha maneira, Oiio recolle a testemuña de Ganeso e tamén de todo ese traballo na área da eficiencia que Reganosa Servizos veu facendo para os seus clientes nos últimos anos”.
O feito de que a app sexa lanzada hoxe, Día Mundial do Medio Ambiente, tampouco é casual. “Oiio vai axudar a aforrar tempo e diñeiro, pero tamén enerxía. Vai axudar a ser máis eficientes. Nós somos un grupo que aposta por avanzar nun sistema enerxético cada vez máis sostible económica, social e medioambientalmente; xa non se trata só de xerar cada vez máis enerxía renovable, senón tamén de consumir unicamente a necesaria e ao mellor prezo, algo que Oiio fai posible”, conclúe Vega.
Sobre Reganosa
Reganosa é a primeira multinacional galega da enerxía. De acordo con os principios de seguridade, eficiencia e flexibilidade, desenvolve unha actividade clave na transformación do modelo enerxético e na mitigación dos efectos do cambio climático. A compañía intégrase nun grupo que opera activos básicos para a seguridade da subministración en Europa, Asia e África, é referente mundial na xestión de infraestruturas enerxéticas, é propietaria e operadora da terminal de gas natural licuado de Galicia (en Mugardos, A Coruña), e posúe un 25 % do Musel E-Hub, en Xixón (Asturias). Nos últimos anos prestou servizos en 25 países de 4 continentes. Ademais, promove proxectos de almacenamento enerxético, eficiencia, renovables, economía circular, dixitalización e hidróxeno verde.
