Talento
Talento

Servizos

Consultaría e xestión integral de infraestruturas

Poñemos a disposición dos nosos clientes os nosos coñecementos e prestamos servizos para infraestruturas enerxéticas a nivel internacional. Desde a constitución de Reganosa Servizos en 2015, a compañía prestou servizos en proxectos en máis de 25 países.

Actualmente opera infraestruturas en Alemaña, Filipinas, Ghana, Italia e Malta e está presente nos catro continentes. O alcance dos servizos que prestamos abarca todo o ciclo de creación e explotación dos activos, desde a realización de estudos e viabilidade ata a operación e mantemento.

Consultaría e Xestión de Proxectos


Asesoramos en todo o proceso de deseño das infraestruturas e prestamos soporte e supervisión en calquera fase operativa cunha ampla carteira de servizos, entre outros:

Realización de auditorías técnicas, comerciais e regulatorias sobre infraestruturas enerxéticas en calquera fase do ciclo de vida dos proxectos.

Realización de estudos de viabilidade, supervisión de enxeñería nas diferentes etapas dos proxectos e preparación das infraestruturas cara á súa fase operativa.

Servizos de consultoría de operación e mantemento para a optimización de procesos e redes de gas, a capacitación dos recursos asignados e o soporte na implementación dos sistemas de xestión.

Servizos para a monitorización de emisións, cuantificación e análise.

annie-spratt-MChSQHxGZrQ-unsplash 2

Xestión integral de infraestruturas

Prestamos servizos integrais de operación e mantemento aliñados cos valores dos nosos clientes, que se fundamentan nos seguintes principios de actuación:

Aseguramos un alto nivel de desempeño en materia de seguridade e xestión de riscos, garantindo a seguridade intrínseca das infraestruturas e das persoas que as operan. O desenvolvemento de capacidades en campo en distintos contextos operativos e a súa posta en común a través de Comunidades de Práctica permiten implantar os máis altos estándares de seguridade, fiabilidade e eficiencia, minimizando os riscos operacionais.

Garantimos a excelencia operativa na xestión de toda a cadea de valor, desde a operación comercial á técnica, afianzada nun persoal altamente cualificado e mediante o despregue de procesos internos robustos e dixitalizados.

Desenvolvemos un alto nivel de adaptación e personalización de acordo coas necesidades do cliente, proporcionando solucións óptimas en calquera escala e configuración, traballando con principios colaborativos e de transparencia. O soporte en ferramentas dixitais desenvolvidas internamente permite implementar procesos robustos, flexibles e escalables, acelerando os procesos de mellora continua.