O desenvolvemento dos proxectos de transición enerxética apóiase na experiencia e capacidades adquiridas na fase de enxeñaría, tramitación, financiación, operación e mantemento e optimización dos activos industriais xestionados polo grupo, así como no coñecemento da regulación e mercados nos que operamos.

Enfrontámonos ao reto de construír un novo ecosistema enerxético que sexa económica, social e medioambientalmente sostible e para iso, traballamos en crear unha cadea enerxética na que cada elo sexa competitivo por si mesmo e fomente a competitividade do conxunto.

Este desafío requirirá da integración dunha mestura de tecnoloxías, porque ningunha resultará suficiente de maneira illada. Polo tanto, será necesario avanzar na eficiencia e electrificación da demanda, producir e almacenar electricidade e gases renovables, así como combustibles sintéticos e biocombustibles de nova xeración para o transporte.