A TERMINAL DE GNL DE GALICIA INCREMENTA A SÚA VERSATILIDADE GRAZAS ÁS OBRAS DE MODERNIZACIÓN EXECUTADAS NO PEIRAO

A regasificadora xa pode operar todo tipo de buques tras os traballos realizados no seu jetty

A planta recibiu 426 barcos nos seus primeiros 15 anos de servizo

A terminal de gas natural licuado de Galicia veu incrementada a súa versatilidade grazas ás obras de modernización executadas no seu peirao, traballos que acaban de concluír. A partir de agora, na planta de Mugardos (A Coruña) poderán operar non só os grandes e medianos metaneiros, se non todo tipo de buques, incluso os máis pequenos do mercado.

Mercé á súa competitividade e vantaxes medioambientais, o GNL avanzou posición s nos últimos anos entre os combustibles para transporte marítimo. A fin de que continúe facéndoo, a lexislación europea prescribe crear unha rede suficiente de puntos de subministro de gas natural licuado nas contornas portuarias.

Dese rede pasa a formar parte en adiante a regasificadora de Mugardos, onde se instalou un sistema de mangueiras crioxénicas flexibles para a operación con buques de pequena escala,  como, por exemplo, as gabarras de aprovisionamento a grandes barcos. Este novo sistema de carga e descarga de GNL únese aos catro brazos fixos cos que xa contaba o jetty da terminal.

A actuación forma parte do programa de adaptación e modernización da planta, e achandará o camiño para configurar entorno ás instalacións un hub de GNL de referencia no noroeste peninsular. En ela Reganosa investiu 5,2 millóns de euros.

Máis avances previstos

Esta mañá, o director xeral da compañía, Emilio Bruquetas, e o seu director de Operacións e Desenvolvemento, Rodrigo Díaz, explicaron in situ esta intervención ao vicepresidente primeiro da Xunta de Galicia, Francisco Conde, e ao presidente da Autoridade Portuaria de Ferrol-San Cibrao, Francisco Barea. Tamén lles adiantaron que a compañía pretende continuar modernizando a terminal de Mugardos.

Así, a empresa proxecta incorporar proximamente ao complexo un punteiro sistema de compresión que maximiza o aproveitamento da enerxía e permite prestar todos tipo de servizos loxísticos en calquera momento. Planea destinar a isto 16 millóns de euros que redundarán en aforros medios anuais de 26 a 40 GWh e unha xestión integral dos vapores que se xeran nos tanques de almacenamento de GNL.

O consumo eléctrico anual de 78 millóns de fogares

Esta visita de Conde e Barea ás instalacións prodúcese en coincidencia co décimo quinto aniversario da súa entra en operación comercial. Durante todo este tempo, a planta recibiu 426 barcos. A clasificación histórica de procedencia deses naves lidérao Nigeria (111 descargas) e, xa a moita distancia, Trinidad y Tobago (61). Entre os primeiros postos de clasificación figuran tamén Estados Unidos, Catar, Perú e Rusia.

Ata o momento, o gasero que máis veces amarrou no peirao de Mugardos é o Madrid Spirit (en 15 ocasións); o máis pequeno, o Avenir Ascension (116 metros de eslora); e o máis grande, o Al Utoriya (315). Os traballadores do complexo descargaron 43.317.943 metros cúbicos de GNL e cargado 3.006.579; xestionaron a enerxía equivalente ao consumo eléctrico anual de 78 millóns de fogares. Ademais, deron servizo a 65.281 camións cisterna.