Patrocinios

LABOR DE MECENADO

Reganosa apoia e patrocina actividades sociais e iniciativas solidarias con tres obxectivos fundamentais: acción social, fomento do deporte e hábitos saudables, e promoción artística e cultural. A selección dos proxectos nos que se colabora realízase mediante a identificación das necesidades da contorna, de forma proactiva ou a través da recepción de peticións dos axentes interesados.

Software Ganeso

RACING DE FERROL

Somos patrocinadores do Rácing de Ferrol, fundado en 1919, en cuxo palmarés figura ser subcampión da Copa de España. Na tempada 2023/24 xoga na Segunda División.

O Rácing de Ferrol realiza un destacado traballo na promoción do deporte entre a mocidade e participa de moitos dos valores da cultura de empresa de Reganosa.

Software Ganeso

CLUB DO MAR MUGARDOS

Colaboramos co Club do Mar de Mugardos, a organización de remo con máis historia, máis títulos e máis arraigamento social da ría de Ferrol. Fomenta o deporte do remo e a paixón polo mar en todas as categorías de idade, desde alevíns a sénior, e faino con distintos tipos de embarcacións, tanto de banco móbil como fixo e outras actividades deportivas.

 

Os remeiros do Club do Mar de Mugardos alcanzaron éxitos moi importantes. A súa principal tripulación actual é a sénior de traiñeiras, que compite na Liga Galega de Traíñas. Ten dous campionatos de España de bateis na súa máxima categoría e nove de Galicia, entre outros trofeos.

Software Ganeso

GALICIA DE MUGARDOS

Apoiamos ao Galicia de Mugardos, fundado en 1952. Este equipo milita na Preferente Galicia Grupo 1 - Norte na tempada 2023/24.

O Galicia de Mugardos destaca polo seu labor como impulsor da práctica do deporte a todos os niveis. Ten equipos en todas as categorías de idades, tanto femininos como masculinos, desde infantís a sénior.

Software Ganeso

PARRULO FS

O Parrulo Fútbol Sala é un equipo de fútbol sala que funciona como unha escola. Está presente nas distintas categorías de fútbol sala base, desde chupetes ata xuvenil, e o seu primer equipo xoga na Segunda División da LNFS.

Software Ganeso

BAXI FERROL

O Club Universitario de Ferrol, tamén coñecido como Baxi Ferrol, é un equipo de baloncesto feminino que milita na Liga Feminina.